БИШКЕК, 23-янв. — Sputnik. Жалал-Абадда ВАЗ-2101 менен Mercedes-Benz Sprinter жүргүнчү ташуучу унаа кагылышып, бир киши көз жумду. Бул тууралуу ӨКМ кабарлады.
Жалал-Абадда ВАЗ-2101 менен Mercedes-Benz Sprinter жүргүнчү ташуучу унаа кагылышып, бир киши көз жумду
© Фото / пресс-служба МЧС КР
Каргаша Бишкек — Ош унаа жолунун 384-чакырымында катталган.
Кырсыктын кесепетинен "Жигули" автоунаасын айдап бараткан Токтогул районунун 37 жаштагы тургуну каза болгон.
"Mercedes-Benz Sprinter автоунаасында айдоочудан тышкары тогуз жүргүнчү отуруп бараткан. Анын төртөө жеңил жана орто жаракат алып, Тез жардам кызматы менен Кара-Көл шаардык ооруканасына жеткирилген. Алардын абалы канааттандырарлык экени аныкталды", — деп жазылган маалыматта.
Окуя болгон жерге төрт куткаруучу тартылып, жүргүнчүлөрдү унаадан чыгарышкан.