БИШКЕК, 22-янв. — Sputnik. Даркнетте мониторинг кылган DLBI сервиси 2021-жылдагы эл эң көп колдонгон сыр сөздөрдү жарыялады. Бул тууралуу "Известия" жазган.
Алар жалпысынан 35,5 миллиард, ал эми анын ичинен жаңыларын эсептей келгенде 250 миллион логин менен анын сыр сөздөрүн анализдеп чыккан. Мунун ичинен 3,5 пайызы татаалыраак түзүлсө (тамга, сан жана атайын символ аралаш), 16,5 пайызы узунураак болгон.
Эң көп тараган деген 10 сыр сөз төмөнкүлөр болуп чыккан:
1.
qwerty123;2.
qwerty1;3.
123456;4.
asdasd;5.
12345;6.
123456789;7.
asdasd123;8.
12345678;9.
qwerty;10.
123321.Ал эми кириллицадан "йцукен", "пароль", "любовь", "привет", "наташа", "максим", "марина", "люблю", "андрей" и "кристина" сыр сөздөрү арбын кездешкен.
"Жеке тараптардын сыр сөздөрдү туура эмес коюп алгандыгынан улам зыян тарткан учурлары жыл сайын өсүп жатат. Электрондук почтага кирүү мүмкүнчүлүк алып алган шылуундар онлайн-банкка же "Мамлекеттик кызмат көрсөтүүлөр" сервисине паролдорду ыргытып, социалдык инженериянын жардамы менен эки деңгээлдеги аутентификацияны айланып өтүүгө аракет кылышат", — деген DLBI негиздөөчүсү Ашот Оганесян.
Эксперттер алты символдон турган сыр сөздү (тамгалар менен сандан турган) талкалап кирүүгө 95 минута жетиштүү болорун айтышты. Ал эми эгерде ал 10 белгиден ашык турса, 2,5 жыл кетет дешкен.