Ошол жердеги вахталык мөөнөттө иштегендерден турган Харасавэй деп аталган поселок бар. RT телеканалынын жазганына караганда, энесинен айрылып калган эки мамалак ал жердеги адамдарга ыктап, айланчыктап келишкен. Жумушчулар ашканадан тамак алып чыгып берип, жапайы жаныбарларды акча калтырган эмес. Аларга жергиликтүүлөр Хара, Савэй деп ошол аймактагы жерлердин атын ыйгарып коюшкан.
Өткөн жылы аларды адистер тик учакка салып 100 чакырым аралыкка, айылдан бир топ алыс алып барып ташташкан. Бир нече күнгө жете турган азыктарды кошо калтырышкан.
Бир канча убакыт өткөндөн кийин экөө Харасавэйде кайрадан пайда болгон. Окумуштуулар аларга тагылган GPS-датчиктерди карап, жаныбарлар Белый деп аталган аралга чейин жетип, бирок баары бир кайра кайрылып келишкенин аныкташты. Бул арада аюулар 600 чакырым жол баскан.
Видеодон алардын айылга, жашоочуларга кадимкидей үйүр алып калгандыгын, ал жердеги иттер деле анчалык үрүп, кастык менен кабыл албагандыгын көрүүгө болот.
Маалыматта адистер эми жаш аюуларды тик учак менен 100 эмес, 300 чакырым алыс алып барып таштоого ниеттенип жатканы жазылган.