БИШКЕК, 21-янв. — Sputnik. Президент Садыр Жапаров Кыргыз Республикасынын жарандыгына кабыл алуу жана чыгаруу жөнүндө жарлыктарга кол койду. Бул туурасында мамлекет башчынын маалымат кызматы билдирди.
Ага ылайык, 2 253 адам (чоңдор 1 724, балдар 529) Кыргызстандын жарандыгына кабыл алынган. Алардын басымдуу бөлүгүн тарыхый мекенине кайтып келген этникалык кыргыздар түзөт.
Ошону менен бирге эле 244 кыргызстандык (198и чоңдор, 46сы балдар) жарандыктан баш тарткан.