БИШКЕК, 19-янв. — Sputnik. Бейшемби күнү күндүз Чүй, Ош, Жалал-Абад, Ысык-Көл жана Нарын өрөөнүнүн кээ бир райондорунда кар жаайт. Баткенде жаан-чачын күтүлбөйт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй менен Таласта -4...+1, Ош, Жалал-Абад, Баткен облустарында +2...+7, Ысык-Көл жергесинде -3...+2, Нарын аймагында -5...-10 градус болот.
Бул күнү Бишкекте мезгил-мезгили менен кар жааса, Ошто жаан-чачын болбойт. Термометрдин көрсөткүчү борбор калаада -1... +1 жана Ошто +4...+6 градус болору айтылды.