БИШКЕК, 11-янв. — Sputnik. Тажикстандын чек арачылары тарабынан кармалган кыргыз жараны мекенге кайтарылды. Бул тууралуу УКМКнын маалымат кызматы кабарлады.
Билдирмеге караганда, 2021-жылдын 1-ноябрында Лейлек районунун Арка — Борбордук жолунан Тажикстандын УКМК кызматкерлери Кыргызстандын 30 жаштагы Р. Исмаилов аттуу жаранын кармашкан.
Кыргызстандын Чек ара кызматынын Баткен облусу боюнча башкармалыгынын кызматкерлеринин арты менен Исмаилов 10-январда мекенге кайтарылганы айтылды. Аны Лейлек районунун "Кулунду" өткөрмө пункту аркылуу алып келишкен.