БИШКЕК, 9-янв. — Sputnik. Казакстандын коргоо министринин орун басары Султан Гамалетдинов жана ЖККУнун Казакстанга тынчтык орнотуучу күчтөрүнүн кол башчысы, генерал-полковник Андрей Сердюков брифинг өткөрдү. Sputnik Казакстан агенттигинин Telegram каналы маанилүү маалыматтарды топтоду.
Андрей Сердюковдун билдирүүсү:
ЖККУнун тынчтык орнотуучу күчтөрүн Казакстанда бөлүштүрүү аяктады;
аскерлер Алматыдагы жана ага жакынкы райондорундагы маанилүү аскердик, мамлекеттик, социалдык объектилерди коргоп жатышат.
Султан Гамалетдиновдун билдирүүсү:
Казакстанда контртеррористтик операциялар террористтерди толугу менен жок кылып, тартип орнотулганга чейин улантылат;
Казакстанда абал стабилдешүүдө жана бийлик органдарынын көзөмөлүндө;
ЖККУнун бөлүктөрү өзүнүн милдеттерин өлкөдө абал толугу менен стабилдүү болгонго чейин улантат;
тынчтык орнотуучу күчтөрдүн маанилүү объектилерди коргоого алышы казакстандык аскер кызматкерлерине терроризмге каршы иш алып барууга мүмкүнчүлүк түздү.