БИШКЕК, 6-янв. — Sputnik. Кыргызгидромет аптанын дем алыш күндөрүнө карата аба ырайынын божомолун жарыялады.
Ага ылайык, 8-9-январда жана андан кийинки күндөрү көп аймакта жаан-чачын күтүлбөйт. Бирок кээ бир жерде туман түшүп, жолдор тоңголок жана тайгак болот.
Батыштан соккон шамалдын ылдамдыгы айрым региондордо секундасына 2-7 метрге, кээ бир жерлерде 4-9 метрге чейин жетет.
Чүйдө
Чүйдө 8-9-январда жаан-чачын күтүлбөйт. Ишемби күнү абанын температурасы +3…+8, жекшембиде 0…+5 болот.
Талас
Талас облусунда дем алыш күндөрү ачык болот. Аба ырайы +5…+7 жана +2…+4 болору күтүлүүдө.
Ош
Облуста да жаан-чачын күтүлбөйт. Ишембиде +6…+8, жекшемби күнү +5…+7 градуска чейин жылыйт.
Жалал-Абад
Жаан-чачын жаабаганы менен туман түшүп, тоо этектеринде, тоолуу райондордо жолдор тайгак жана тоңголок болот. Дем алыш күндөрү абанын температурасы +5…+7ге чейин жылыйт.
Баткен
Облус аймагында жаан-чачын болбойт, бирок туман түшөт. Ишембиде аба ырайы +6…+8, жекшембиде +4…+6 болмокчу.
Ысык-Көл
Облуста да дем алыш күндөрү кар жаабайт. Ишемби жана жекшемби күндүн температурасы +2…+7 жана +0…+5 болушу күтүлүүдө.
Нарын
Облуста 6-январдан тарта 12-январга чейин жаан-чачын күтүлбөйт. Аба ырайынын көрсөткүчү -7…-9 градус болот.
Бишкек
Борбор калаада дагы дем алышта күн ачык болору айтылды. Ишембиде +6…+8, жекшембиде +3…+5 градус болушу күтүлөт.