БИШКЕК, 5-янв. — Sputnik. Кыргызстанда жолдо болгон автокырсыктардан жылына 700дөн ашуун адам набыт болот. Бул тууралуу Улуттук статистика комитетинин маалыматында камтылган.
2020-жылы 6 126 жол кырсык катталып, анын кесепетинен 9 227 адам жаракат алган. Тилекке каршы, 754 киши каза болгон, анын ичинен 93ү жаш балдар. Мас болуп рулга отуруп кырсыктагандар жалпы эсептин 8,4 пайызын түзөт.
2016-жылдан берки статистикага салыштыра турган болсок, автокырсыктардын саны 5 868ден 6 663кө чейин жеткен. 2016-2017-жылдары жолдо жүрүп ажал тапкандар 900дөн ашкан. Өлгөндөрдүн саны 2018-жылы азайып 716ге чейин түшүп, 2019-жылы 759ду түзгөн.