Sputnik Кыргызстан маалымат агенттигинин чыгармачыл тобу оорукананы тартып, дарыгерлер менен сүйлөштү.
Кызыл-Жардагы психиатриялык оорукана 1961-жылы негизделген. Имарат азыр 300дөн ашуун кишиге эсептелген. Ал жалпы сегиз бөлүмдөн турат. Төрт бөлүмү психикалык дарттары барларга, бирөө мажбурлап дарылоого, бирөө соттук-психиатриялык экспертиза жүргүзүүгө, дагы бирөө психикалык-соматикалык оорусу барларга арналган.
Ооруканада бейтаптар качкан, медиктерге кол салган учурлар болуп турат. Кызыгы, имараттын бир гана бөлүмү — соттук-психиатриялык экспертиза жүргүзүлгөн №8 бөлүмү гана ИИМ кызматкерлери тарабынан кайтарууга алынган. Калган бөлүмдөрүндө ак халатчандар дарыгерлик да, күзөтчүлүк, жан сакчылык да ишин аткарып келет.