БИШКЕК, 28-дек. — Sputnik. Жогорку Кеңештин экс-депутаты, мурдагы биринчи вице-премьер Алмазбек Баатырбеков Жазык кодексинин 2-бөлүмүнүн 319-беренеси ("Коррупция") боюнча күнөөлүү деп табылды. Бул тууралуу Биринчи май райондук соту билдирди.
Райсот саясатчыга 280 миң сом айып салган. Мындай чечим 24-декабрда чыккан. Каражат мамлекеттин эсебине которулат.
Эске салсак, Баатырбеков Бороновдун өкмөтү иштеп турганда биринчи вице-премьер болчу. 2021-жылдын июнь айында "Кумтөр" долбоорун ишке ашыруудагы коррупциялык иштер боюнча кармалып, УКМКнын тергөө абагына киргизилген.