БИШКЕК, 25-дек. — Sputnik. Коррупция менен күрөштүн жыйынтыгында 2020-жылдын октябрынан тарта бюджетке 8 миллиард сом түштү. Бул тууралуу президент Садыр Жапаров министрлер кабинетинин жыйынтыктоочу жыйынында сүйлөп жатканда билдирди.
Анын айтымында, кеп коррупцияга аралашкандардан кайтарылып алган каражат жана мүлк жаатында болуп жатат.
Президент андан эл бир нече маселелерди чечүүнү талап кылгандыгын, анын ичинде бюджетти толтуруу туурасында да айтылгандыгын билдирди.
"Коррупция менен күрөш улантылат. Эгер карапайым калктын бир тыйындан чогулган казнасынан жедиби – он эселеп кайтарат", — деди ал.
Мамлекет башчы Кыргызстандын социалдык-экономикалык өнүгүшү боюнча жыл жыйынтыгын чыгарып жатат.