БИШКЕК, 24-дек. — Sputnik. Жогорку Кеңештин экс-депутаты, активист Бактыбек Калмаматов 9-февралга чейин Бишкектеги № 1 тергөө абагына камакка алынды. Бул тууралуу Бишкектин Биринчи май райондук сотунун маалымат кызматы билдирди.
Чечим бүгүн кабыл алынган.
Экс-депутат 22-декабрда "Манас" аэропортунан чет өлкөгө учканы жатканда кармалган.
УКМК билдиргендей, Калмаматов социалдык тармактар аркылуу аймактар аралык кастыкты козутууга тиешеси бар деген маалымат түшкөн. Аталган факты боюнча Кылмыш-жаза кодексинин 330-беренесинин негизинде сотко чейинки өндүрүш иши башталган. УКМК тергөөдө бул маалыматтар тастыкталганын билдирди.