БИШКЕК, 21-дек. – Sputnik. Алдын ала маалымат боюнча, Тимирязев көчөсү менен Жибек Жолу проспектинде күйүүчү май сакталган кампадан өрт чыккан. Бул тууралуу ӨКМден кабарлашты.
Буга чейин аталган көчөлөрдүн кесилишинде ири өрт кырсыгы катталып, аны ӨКМдин үч бөлүмү өчүрүп жатканы айтылган. Андан кийин алардын саны бешке өскөнү белгилүү болду. ӨКМ кырсыктын чоо-жайы тууралуу маалымат берди.
"Алдын ала билдирме боюнча, күйүүчү май сакталган кампадан өрт чыккан. Учурда жеринде ӨКМдин өрт өчүрүүчү беш бөлүмү иштеп жатат. Анын ичинде штаб, куткаруучулар бар", — деп айтылат маалыматта.
Окуя тууралуу кененирээк маалыматты Sputnik Кыргызстан агенттиги жүргүзүп жаткан тексттик трансляциядан окуй аласыздар.