113 миңге жакын аз камсыз болгон үй-бүлөдө жашаган 366 миң бала мамлекет тарабынан жөлөк пул алат. Бул тууралуу Мираида Нактаева Sputnik Кыргызстан радиосунун фиринде маек куруп жатып билдирди.
Анын айтымында, Кыргызстанда калктын жакырчылык деңгээли 25 пайызды түзөт.
"Кепилденген эң төмөнкү кирешенин өлчөмү өлкөдө бүгүнкү күндө миң сом. Эгерде бир адамга карата киреше миң сомдон ашпаса, үй-бүлөдөгү 16 жашка чейинки балдарга аз камсыздуулук боюнча жөлөк пул берилет. Аны өлкөдө 113 миң бүлөдө жашаган 366 миң бала алат. Улуттук статистикалык комитеттин маалыматы боюнча, Кыргызстандагы калктын жакырчылык деңгээли 25 пайызды түзөт. Өлкөдөгү жакырчылыкты азайтуу үчүн комплекстүү иштер жасалышы кажет. Учурда экономиканын күчү мындай социалдык көйгөйлөрдү чечүүгө алы жетпей турат", — деди Нактаева.
Ошондой эле адис жакырчылыкты жоюу боюнча эл аралык уюмдар менен да иш жүрөрүн кошумчалады.