БИШКЕК, 16-дек. — Sputnik. Кыргызстандык балбан Абдурахман Муртазалиев дүйнөлүк рейтингдин негизинде Дүйнөлүк оюндарга катышуу үчүн лицензия алды.
Муртазалиев 85 килограммга чейинки салмак категориясы менен жиу-житсу эрежеси боюнча күрөшөт. Кыргызстандык спортчу дүйнөлүк рейтингде төртүнчү орунда турат.
"Дүйнөлүк оюндарга биринчи жолу 2017-жылы катышкам. Эми өзүмдү көрсөтүү үчүн дагы бир мүмкүнчүлүк жаралды", — деди ал.
Дүйнөлүк оюндар 2022-жылы 7-17-июль аралыгында Бирмингемде (Алабама, АКШ) өтөт.