БИШКЕК, 14-дек. — Sputnik. Шаршембиде күндүз өлкөнүн айрым аймактарында жаан, кар жаашы ыктымал. Кээ бир райондордо туман түшүшү күтүлөт. Бул тууралуу Кыргызгидромет маалымдады.
Абанын температурасы Чүй, Талас жергесинде 0...+5, Ош, Жалал-Абад, Баткен, облустарында +2...+7, Ысык-Көл чөлкөмүндө -3...+2, Нарын аймагында -5...-10 градус болору айтылды.
Термометрдин көрсөткүчү Бишкекте +2...+4 жана Ош калаасында +3...+5 градуска жетет.