БИШКЕК, 14-дек. — Sputnik. Парламенттик шайлоонун жыйынтыгын эсептөө боюнча 12 шайлоо округунда добуштарды кайра саноо болуп өттү. Бул тууралуу Шайлоо жана референдум өткөрүү боюнча борбордук комиссиясы кабарлады.
Маалыматка караганда, экинчи жолу саноо АСУнун жана алгачкы саноолордун жыйынтыгын тастыктады. Кайра саноо партиялардын өтүнүчүнөн улам шайлоого катышкан саясий бирикмелердин жана ЖМК өкүлдөрүнүн катышуусунда ишке ашты.
Жалал-Абад облусу боюнча добуштар кайра саналган шайлоо округдар:
№ 19 Токтогул округу;
№ 13 Сузак округу;
№ 14 Жалал-Абад округу.
Ош облусу боюнча:
№ 4 Көк-Жар округу;
№ 6 Араван округу;
№ 7 Ош округу;
№ 8 Төлөйкөн округу.
Нарын облусу боюнча:
№ 32 Кочкор округу.
Ысык-Көл облусу боюнча:
№ 36 Ысык-Көл округу.
Талас облусу боюнча:
№ 20 Манас округу;
№21 Талас округу.
Чүй облусу боюнча:
№ 30 Ысык-Ата округу.
Эске салсак, 28-ноябрда өткөн парламенттик шайлоонун расмий жыйынтыгы 18-декабрга чейин жарыяланышы керек.