БИШКЕК, 12-дек. — Sputnik. UFC чемпиону Валентина Шевченко Ош шаарына барды. Бул тууралуу калаа мэриясынан билдиришти.
Учурда Султан Ибраимов атындагы драма театрында спортчулар жана күйөрмандары менен жолугушуу өткөрүүдө.
Мэриядан билдиришкендей, активдүү катышуучулар спортчунун кол тамгасы менен белектерин ала алат.
Шевченко өзү Instagram баракчасына белек катары кол кап даярдап койгонун жазган.
Эске салсак, Шевченко Кыргызстанга ноябрь айында келген. Буга чейин Бишкекте жана Ысык-Көлдө күйөрмандары менен жолуккан.
Ошол эле күндөрү Sputnik агенттигине эксклюзивдүү маек берген.