БИШКЕК, 11-дек. — Sputnik. Бишкектин Октябрь райондук милициясы этиятсыздыктан улам адам өлтүрүүгө шектелген аялды кармады. Бул тууралуу РИИБдин маалымат кызматы кабарлады.
Билдирүүгө ылайык, 10-декабрга караган түнү болжол менен саат 00:50 чамасында Ж.А. аттуу киши көкүрөк тушка бычак жеп Бишкек травматология жана ортопедия илим изилдөө борборуна түшкөн. Бирок алган жаратынан улам көз жумган.
Аталган факты Кылмыштардын бирдиктүү реестрине Жазык кодексинин 130-беренеси менен катталып, кылмыш иши козголгон.
Издөө иш-чараларынын жыйынтыгында кылмышка шектүү катары 34 жаштагы Ж.А. аттуу аял кармалып, тергөө кызматына алып келинген. Далил буюм катары алынган ашкана бычагы тийиштүү экспертизага жөнөтүлгөн.
Тергөө иштери жүрүп жатат.