Парламенттик шайлоодо берилген добуштардын 40,10 пайызы кол менен саналып бүттү. Буга чейин автоматтык түрдө саноочу урналардын эсеби чыккан. Ага ылайык, алты партия алдыда келе жатат. Бирок расмий жыйынтык кол менен саналган соң гана жарыяланат.
Кыргызстанда парламенттик шайлоо 28-ноябрда өткөн. Анда талапкерлер преференциалдык жана мажоритардык система боюнча шайланды. Тактап айтканда, 54 депутат партиялык тизме менен, ал эми 36 эл өкүлү бир мандаттуу шайлоо округдарынан талапкер болду. Жалпысынан 21 партия ат салышты.