БИШКЕК, 11-ноя. — Sputnik. Россияда уй этин өндүргөн улуттук союздун башчысы Роман Костюк Кыргызстандагы эттин сапатын баалап, анын атаандаштык жараткан артыкчылыктарын атап берди.
Белгилей кетсек, Бишкекте россиялык компаниялардын көп тармактуу ишкердик миссиясы өтүп жатат. Анда Костюк буга чейин кыргызстандык ишкерлер менен жолугушууда өлкө эт жаатында атаандаштык жарата аларын айтканын билдирген.
"Россия малды буудай менен семиртүүгө өтүп жатат. Россиянын соңунан Казакстан да америкалыктардын таасири менен малды буудай менен семиртүүгө өттү. Биз болсо "токтой тургула!" деп айтып жатабыз. Кыргызстан — эң пайдалуу азыктардын, даамдуу эттин мекени. Бул мамлекетте эмне өндүрүлүшү керек? Тоолуу жерлерде кадимки чөп менен семирген малдын эти стейк менен эле эмес, пайдалуу жана форель менен да атаандаштык жарата алат", — деди Костюк.
Ал стейк рыногу үчүн күрөштүн фонунда Кыргызстан тоонун чөбү менен семирген малдын этин сунуштап жатканын айтып, алардын этинде омега-3 майлуу кычкылы омега-6 кычкылына караганда үч эсе көп экенин кошумчалаган.
Белгилей кетсек, омега-3 майлуу кычкылы адам организми үчүн абдан пайдалуу.