БИШКЕК, 2-ноя. — Sputnik. Борбордук шайлоо комиссиясы №23 Москва шайлоо округунан көрсөтүлгөн талапкерлердин тизмесин жарыялады.
Бир мандаттуу шайлоо системасы менен Москва округунан 12 талапкер чыкты. Тизме чүчү кулак кармоо боюнча тандалган бюллетендеги номерине карап, ирети менен жазылды.
Москва шайлоо округунда жалпы 87 801 шайлоочу бар. Ага Москва району толугу менен Сокулук районунун Төмөнкү Чүй, Ат-Башы, Жаңы-Жер, Камышановка, Жаңы-Пахта, Биринчи май айыл аймактары кирет.