RT пландалган машыгуунун видеосун жарыялады.
Аталган аймактагы кемелерге каршы жайгашкан "Утёс", ракеталык "Бал" комплекстеринде жана "Адмирал Григорович" деп аталган күзөт фрегатында мурда мерчемделген аскердик окуулар өтүп, көнүгүүлөр жасалган.
Видеодон ар кыл көлөмдөгү ракеталардын жерден, суудан көктү көздөй булкунуп атылып, чексиздикке сүңгүп кирип кеткенин, кээ бирөөлөрдүн сууга түшкөнүн көрүүгө болот.
Ал эми атылып жатканы жакындан тартылган учурларда кубаттуу бул курал көккө катуу басым менен көтөрүлгөндүктөн жердин тозоңун чыгарып, айланасындагыларды сапырып кеткени кадрга түшүп калган.
Кемелер үчүн деңиз полигонун машыгуу учурунда жаап коюшкан. Маалыматта жалпы коопсуздукту ал мезгилдери Кара деңиз флотунун жыйырмага чукул кемелери камсыз кылып турганы айтылды.