Добуш берүүнү каалагандар Россиянын Кыргызстандагы элчилигинин имаратынын алдына эртең менентен баштап эле чогулду... Учурдагы пандемия шартынан улам аралык сакталып, добуш берүүчүлөрдүн кезеги көпкө созулганын көрүүгө болот.
Шайлоочулар Ош, Кант, Каракол жана Бишкек шаарларында добуш бере алат. Шайлоо тилкелери саат 8:00дөн тарта 20:00гө чейин иштейт. РФтин ар бир жараны добуш берүү үчүн өздүгүн аныктаган документин ала келиши керек.
Бул Россиянын Жаңы редакциядагы Баш мыйзамы күчүнө киргенден кийинки алгачкы шайлоо. Анын негизинде Мамлекеттик Думага кеңири ыйгарым укуктар берилген. Төмөнкү палатанын депутаттары аралаш система менен беш жылга шайланат. Жарымы партиялык система, жарымы бир мандаттуу округдан тандалат. Шайлоого саясий 14 партия катышууда. Ал эми добуш берүү үчүн катталгандардын саны 110 миллиондон ашык экени айтылды.