"Манас" баянында кездешкен "жыга" деген сөздүн бир нече мааниси бар. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
Анын айтымында, аталган сөз эпостогу саптарда ар кандай учурларда кездешет.
"Эпосто "жыга" деген көөнө сөз кездешет. Анын биринчи мааниси мансаптык белгини түшүндүрөт. Башкача айтканда, хандын атайын баш кийими же болбосо ага тагылуучу асыл таш, куштун канаты дегенди билдирет. Дагы бир маанисинде аялдардын кооздолгон баш кийими же болбосо ага тагылган куштун канаты. Мындан тышкары, мөөргө тагылган белги, эн тамга катары сыпатталат. Ошондой эле куштун чокусундагы таажыны дагы "жыга" деп айткан учурлар кездешет", — деди Талантбеков.
Манасчы "жыга" сөзүн азыр дагы күнүмдүк турмушта колдонууга мүмкүндүктөр бар экенин кошумчалады.