БИШКЕК, 8-сен. — Sputnik. Футбол боюнча Кыргызстандын премьер-лигасы (КПЛ) өткөн айдагы оюндарда киргизилген мыкты голду аныктады. Бул тууралуу футболдук уюмдун маалымат кызматы билдирди.
Мыктыны тандоо социалдык тармактарда сурамжылоо, күйөрмандардын добуш берүүлөрү аркылуу жүргөн.
Август айындагы мыкты голдун автору "Кара-Балта" клубунун 20 жаштагы коргоочусу Азамат Аскербеков деп табылды.
КПЛ жалпысынан өткөн айдагы мыкты голго төрт талапкерди атаган. Аскербековдон тышкары "Алай" (Ош) клубунун жарым коргоочусу Сүйүнтбек Мамыралиев,
"Абдыш-Ата" (Кант) клубунун 18 жаштагы коргоочусу Християн Браузман,
"Абдыш-Ата" (Кант) клубунун 22 жаштагы оюнчусу Атай Жумашев, талапкер болгон.
Кыргыз премьер-лигасы мыкты голду ар бир айдын аягында аныктап келет.