Буга чейин биз акчаны эсептебей короткондун кесепети тууралуу сөз кылганбыз.
Бул жолку мультфильмде айлыктан бир аз да болсо акча арттырып калуунун жол-жобосун көрсөтөбүз. Айдан артып калган же топтогон тыйыныңызды жөн катпай эселентип алуу үчүн туура инвестициялоону өздөштүрүп алган дурус. Жок дегенде инфляциянын эсебинен аманаттын наркы түшүп кетпеши керек.
Учурда финансылык сабаттуулук темасы болуп көрбөгөндөй актуалдуу болуп турат. Өзгөчө пандемиянын айынан кыйраган дүйнөлүк экономика калыбына келе элек.
"Sputnik мультфильми" агенттиктин окурмандары көнүп калган адаттагы башка материалдарына окшобогону менен бирөөнүн намысына шек келтирүү максатын көздөбөйт. Мультфильмдеги кадрларды коштоо жана материалды берүү үчүн зарыл болгон тексттер окулуп, анын ичинен сленг колдонулат.