БИШКЕК, 3-сен. — Sputnik. Танк биатлонунун 2-дивизионунда төрт команда ат салышкан. Мелдеште Кыргызстандын аскерлери чемпион болсо, экинчи орунда Тажикстан (2 саат 20 мүнөт 5 секунд), үчүнчүдө Мьянма (2 саат 28 мүнөт 9 секунд), төртүнчүдө Түштүк Осетия (2 саат 29 мүнөт 6 секунд) жайгашты.
Мындай жетишкендик Кыргызстандын курама командасын I дивизионго көтөрүлүүсүнө мүмкүнчүлүк түздү.
"Танк биатлону — 2021" жарышында кыргызстандыктарга жеңиш алып келген аскерлер:
- Ырысбек Шайып уулу — танканын командири;
- Темирлан Алымбеков — багыттоочу оператор;
- Искак Тыналы уулу — механик айдоочу.
Белгилей кетсек, буга чейин Кыргызстандын аскерлери I дивизиондо ат салышып келген. Бирок былтыр, 2020-жылы, акыркы орунду алып калып, II дивизионго түшүп калган.