Жаргылчак тартып, ээр чаап... Көчмөн кыргыздын жай турмушун эске салган 13 сүрөт

Азыркы муун үчүн көчмөн кыргыз элинин жашоосу, ата-бабалардын басып өткөн жолу, билген өнөрү тууралуу маалыматтар ар дайым керек болот. Мындан улам Sputnik Кыргызстан агенттиги жана "Кийиз дүйнө" коомдук фонду элибиздин эзелки жашоосун эске салып, жай турмушун, анын ичинде аял менен эркектердин кандай өнөргө эгедер болгонун сүрөт аркылуу баяндап берди.

1 / 13

Сүрөттөгү келин өрмөк менен таар согуп жатат. Байыркылардан калган бул өнөр орто жолдо баркталбай калып, бирок соңку жылдары кайрадан колго алына баштады.

2 / 13

Комуз чаап жаткан уста. Мурдагы кыргыздардын тиричилигинде жыгачтан жасалган буюм-тайымдар басымдуулук кылган.

3 / 13

Ийик ийрип жаткан чоң эне. Ийик — жүндөн же кебезден жип ийире турган атайын аспап. Бул күндөрү мурдагыдай ар бир үйдө кезикпесе да кол өнөрчүлүк менен алектенген уздардын маанилүү буюмдарынын бири.

4 / 13

Кыл аркан эшип жаткан учурдун бир көрүнүшү. Адатта арканга аттын куйругу менен жалын кошуп эшкенде жип бышык болуп, күбө жебей, көпкө кызмат кылган.

5 / 13

Устачылык көп эл сыяктуу эле кыргыздарда да атадан балага өтүп келе жаткан өнөр. Ал эми ат жабдыктарын жасоо өзүнчө бир чеберчиликти талап кылган. Көчмөн элдин турмушунда күмүш бастырылып, аздектеп жасалган ээр-токумду бир жылкыга баалап, сатып алган учурлар да болгон. Сүрөттө уста көмөлдүрүк жасап жатат.

6 / 13

Боз үйдүн түбүндө жаргылчак тартып жаткан апалар. Кезинде арпа, буудай дал ушул буюмдун жардамы менен майдаланып ун, талканга айланган. Ал эми жаргылчактын алдындагы супара да кыргыз аялдары үчүн өтө керектүү буюмдардын бири болгон.

7 / 13

Жайлоо. Казанда кайнаган эт, шорпо.

8 / 13

Жүн сабап жаткан аял

9 / 13

Ээр ушинтип чабылат. Ал тал-теректен, карагайдан, кайыңдан жасалат.

10 / 13

Бээни ушинтип тизелеп отуруп, колун жылкынын арткы бутунан, тагыраагы, санынан алып келип саайт

11 / 13

Жигит боз үйдүн түбүндө камчы өрүп жатат

12 / 13

Боорсок бышырып жаткан аял. Анын сол колундагы буюм — жыгачтан чабылган табак.

13 / 13

Токулган таарды жээктеп жаткан уз