Спортчу оюн 2020-жылы өтсө жаракатына байланыштуу коло эмес, лицензия алууга мүмкүнчүлүгү болмок эместигин, Токиого кандай план менен барганын, элдин колдоосу кандай дем бергенин айтып берип, күйөрмандары кызыккан суроолорго жооп берди. Ошондой эле бир аз эс алгандан кийин машыгууларын улантып, мелдештерге барарын билдирди.
Мээрим Жуманазарованын ушул эле видеомаегинин текст түрүндөгү вариантын да окусаңыз болот.
Мээрим баштапкы этапта болгариялык Мими Николова Христова менен кез келип, 7:5 эсебинде утуп алган болчу. Чейрек финалда нигериялык Блессинг Оборудудуга 3:2 эсебинде жеңишти алдырган. Бирок нигериялык кыз финалга чыгып, Жуманазарова коло байге үчүн ат салышууга мүмкүнчүлүк алган. Спортчу бул бейгеге жетүү үчүн монголиялык Соронзонболдын Батцэцэг менен беттешип, анын далысын жерге басып, таза жеңишти камсыздаган.