БИШКЕК, 12-Авг. — Sputnik.Айбек Жунушалиев Бишкек шаарынын мэринин милдетин аткаруучу болуп дайындалды. Бул туурасында министрлер кабинетинин маалымат кызматы билдирди.
Тийиштүү буйрукка өкмөт башчы Улукбек Марипов кол койду. Ал жаңы мэр шайланганга чейин калаа башчысынын милдетин аткарары айтылды.
Жунушалиев буга чейин министрлер кабинетинин төрагасынын биринчи орун басары болуп иштеп жаткан.
Мариповдун дагы бир буйругу менен Таалайбек Сарыбашов ээлеген кызматынан бошотулду.
Белгилей кетсек, Бишкек шаарынын мэринин милдетин аткарып жаткан Таалайбек Сарыбашов бүгүн өз ыктыяры менен кызматтан кетүүгө арыз жазган.