БИШКЕК, 7-авг. — Sputnik. Токио-2020 Олимпиадасына катышып келген кыргызстандык спортчуларды "Ала-Тоо" аянтына чогулган эл чоң сүрөөн менен тосуп алды. Жеринен кабарчыбыз билдиргендей, аянтка келген эл менен кошо президент Садыр Жапаров өзү да чыкты.
"Ала-Тоо" аянтында өлкө намысын коргогон спортчуларга арналып салтанат уюштурулган.
Жайкы Олимпиада оюндарынан грек-рим күрөшүнөн Акжол Махмудов күмүш, кыз-келиндер күрөшүнөн Айсулуу Тыныбекова күмүш, Мээрим Жуманазарова коло медаль тагынып келди.
Жалпысынан Токио Олимпиадасына спорттун жети түрү боюнча 16 атлет катышкан.