БИШКЕК, 7-авг. — Sputnik. Баткен облусунда жеке турак үйдөгү мончону сойкуканага айланткан факт аныкталды. Бул тууралуу облустук милициядан билдиришти.
Аталган жай Кызыл-Кыядан табылган. Мыйзамсыз "бизнес" негиздөөгө шектелип 33 жаштагы жергиликтүү тургун кармалган. Анын үйүн тинтүү учурунда Оштон келген жана кызыл-кыялык беш сойку табылганы айтылды.
Факт боюнча Кылмыш-жаза кодексинин 167-беренеси ("Сойкукана уюштурууга катышуу") менен сотко чейинки өндүрүш башталды.
Колго түшкөн 33 жаштагы аял милициянын убактылуу кармоочу жайына киргизилди.