БИШКЕК, 6-авг. — Sputnik. Бишкек шаарында узундугу 40,15 чакырым болгон 32 көчөнүн жолу оңдолууда. Бул туурасында мэриянын маалымат кызматы билдирди.
Курулуш иштери ушул жылдан ноябрь айынын аягына чейин пайдаланууга берилери айтылды.
Оңдолуп жаткан көчөлөр:
- Сухэ-Батор көчөсүнүн Каралаевден Шабдан баатыр көчөсүнө чейинки бөлүгү;
- Карасаев көчөсүнүн Байтик баатырдан Кара-Дарыя көчөсүнө чейинки бөлүгү;
- Көкчө-Тоо көчөсүнүн Махатма Гандиден Тоголок Молдо көчөсүнө чейинки бөлүгү;
- Ташкент көчөсүнүн Турусбековдон Тоголок Молдо көчөсүнө чейинки бөлүгү;
- Түгөлбай-Ата көчөсүнүн Орозбековдон Ибраимов көчөсүнө чейинки бөлүгү;
- Кулатов көчөсүнүн Кара-Көлдөн Байтик баатыр көчөсүнө чейинки бөлүгү;
- Каркыра көчөсүнүн Гагаринден Ак-Ордо көчөсүнө чейинки (Ак-Ордо жаңы конушу) бөлүгү;
- Стадион көчөсүнүн Абдрахмановдон Магистралга чейинки бөлүгү (Ынтымак конушу);
- Ажыбек баатыр көчөсүнүн Жунусалиевден Манас проспектине чейинки бөлүгү;
- Жолон көчөсүнүн Ашардан Алыкуловго чейинки бөлүгү.
- Буденный көчөсүнүн Чүй проспектинен Жибек Жолу проспектине чейинки бөлүгү;
- Жукеев Пудовкин көчөсүнүн Кулатов көчөсүнөн Ахунбаевге чейинки бөлүгү;
- Матросов көчөсүнүн Ахунбаевден Медеровго чейинки бөлүгү;
- Өмүр көчөсүнүн Тимур Фрунзе көчөсүнөн Ашар көчөсүнө чейинки бөлүгү.
"Бишкек шаарынын көчө тармагын өнүктүрүү" долбоорунун экинчи этабы эки жылга эсептелген. Жалпы узундугу 70 чакырымдан ашык 2021-жылы 44 тилкени, 2022-жылы 16 көчөнү реконструкциялоо жана 5 көпүрөнүн курулушу пландалууда. Оңдоо иштери Кытайдын гранттык каражаттарынын эсебинен жүргүзүлүүдө. Подрядчы China Road and Bridge Corporation компаниясы.