БИШКЕК, 31-июл. — Sputnik. 1-августка караган түнү жаан-чачын күтүлбөйт. Күндүз тоолуу райондордо өткүн өтүп, күн күркүрөшү мүмкүн, дыйканчылык аймактарда жаан-чачын болбойт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Абанын температурасы Чүй облусунда +30...+35, Таласта +29...+34, Ош, Жалал-Абад жана Баткен аймактарында +31...+36, Ысык-Көл жана Нарын өрөөндөрүндө +24...+29 градус болот.
Борбор калаада күндүн көзү бузулбайт, термометр +33...+35, Ош шаарында +34...+36, Чолпон-Атада +24...+26 градусту көрсөтөт.