БИШКЕК, 31-июл. — Sputnik. Боом капчыгайындагы үрөй учурган жол кырсыктан беш киши жабыркаган. Бул тууралуу Жол кыймылынын коопсуздугун камсыздоо башкармалыгынын маалымат кызматы кабарлады.
Каргаша кечээ, 30-июлда, кечке жуук Бишкек — Нарын — Торугарт унаа жолунда болгон. Кызыл-кочкул түстөгү Daewoo Nexia үлгүсүндөгү автокөлүк каршы тилкени бөлүп турган бетон тосмого урунган. Унаадагылар Балыкчыдан Бишкекке бара жаткан.
Кырсыктан жабыркаган үч аял менен эки эркек киши ооруканага жеткирилген. Жүргүнчүлөр 19, 33, 38 жана 39 жашта болсо, айдоочу 31де экени айтылды. Алардын абалы тууралуу азырынча маалымат жок.