Өрөөн, капчыгай, өзөн же коктуга синоним катары "дара" деген сөз колдонулат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
Анын айтымында, эпосто аталган сөз кезиккен бир нече саптар бар.
"Эпосто төрт тамгадан, эки муундан турган "дара" деген сөз айтылат. Аны эки мааниде колдонсо болот. Биринчиси - капчыгай, өрөөн, өзөн, же болбосо эки тоонун ортосундагы аралык катары түшүндүрүлөт. Экинчи маанисинде "өзүнчө" же "айрым" деген мааниде колдонулуп келет. Бул сөздү күнүмдүк турмушта пайдалана бербейбиз. Бирок жогорудагы сөздөргө синоним катары пайдаланып, тилди байытууга мүмкүндүк түзсөк деген пикирдемин", — деди Талантбеков.
Манасчы көөнө сөздөрдү күнүмдүк турмушта колдонуу зарылдыгын кошумчалады.