БИШКЕК, 24-июл. — Sputnik. Бишкекте бычакталган 18 жаштагы кыз көз жумганын Свердлов райондук милиция билдирди.
20-июлда милицияга Москва көчөсүндөгү көп кабаттуу үйлөрдүн биринен кыздын бычакталганы боюнча маалымат түшүп, тартип коргоо органдарынын кызматкерлери жөнөп кеткен.
"Батирден көкүрөгүнө бычак жеген 2003-жылы туулган Т. К. аттуу 18 жаштагы жаран табылган. Тез жардам ооруканага алып барганы менен, тилекке каршы, каза болуп калды", — деп айтылат маалыматта.
Бул факты боюнча сотко чейинки териштирүү иштери башталып, Жазык кодексинин 130-беренесинин негизинде ("Адам өлтүрүү") иш козголгон.
"Кылмышка шектүү катары 1978-жылы туулган М. Б. аттуу жаран айтылып жатат, ал бешинчи кабаттагы батирлердин биринен секирип кеткен", — деп билдирди милициядан.
Жерге түшкөндөн кийин буту сынып, мээси чайкалып, шаардагы ооруканалардын бирине түшкөн.
Учурда иликтөө иштери уланып жатат.