БИШКЕК, 17-июл. — Sputnik. Тышкы иштери министри Руслан Казакбаев коронавирустан дарыланууда. Бул тууралуу аталган ведомство билдирди.
ТИМ жетекчисинин дартка качан кабылып, кайсы жакта дарыланып жатканы тууралуу маалымат жок. Айрым ЖМКлар министрдин вирусту 6-июлда эле илештирип алганын жазышууда. Ага чейин Казакбаев Азербайжанга иш сапары менен барып келген.