БИШКЕК, 1-июл. — Sputnik. Максат Мамытканов менен Темирбек Асанбеков 30-июндан тарта расмий түрдө Кыргызстандын атынан Евразия экономикалык комиссиясына министр болуп дайындалды. Бул тууралуу ЕЭКтин маалымат кызматынан кабарлашты.
Мамытканов бажы кызматташтыгы боюнча министр болсо, Асанбеков энергетика жана инфраструктура тармактарына жооп берет. Алардын талапкерлиги май айында жактырылган.
Мамытканов бул кызматка Олег Панкратовдун, Асанбеков Эмил Кайкиевдин ордуна барды.
Максат Мамытканов менен Темирбек Асанбеков 2020-жылдагы октябрь окуяларына катышкан. Андан соң Мамытканов бир нече ай вице-премьер-министр кызматын аркалаган. Асанбеков сыяктуу эле ал октябрь айындагы парламенттик шайлоого катышкан болчу.