БИШКЕК, 29-июн. — Sputnik. Кыргызстан жана Тажикстандын президенттери Садыр Жапаров менен Эмомали Рахмон Душанбе шаарында кеңейтилген форматта сүйлөшүүлөрдү жүргүзүп, чек ара маселесин талкуулашты. Бул тууралуу өлкө башчынын маалымат кызматы кабарлады.
Кыргызстан жана Тажикстандын президенттери Садыр Жапаров менен Эмомали Рахмон Душанбе шаарында кеңейтилген форматта сүйлөшүүлөрдү жүргүзүп, чек ара маселесин талкуулашты
Рахмон Тажикстан менен Кыргызстан эл аралык аянтчаларда, биринчи кезекте, БУУ, ЖККУ, ШКУ, ЕККУ жана КМШ алкагында активдүү кызматташып жатканын белгиледи. Ал эки тараптуу мамилелердеги башкы маселе мамлекеттик чек ара тилкелерин делимитациялоо жана демаркациялоо менен байланыштуу экенин айткан.
"Бул маселенин көп жылдан бери токтоп тургандыгы эки тарапты тез арада алгылыктуу чечимдерди ойлоп табууга ынандырат", — деген тажик лидери.
Анын айтымында, чек арадагы акыркы окуя тараптар чек ара маселелерин трансулуттук кызыкчылыктарды эске алып, сүйлөшүү жолу менен чечүү керектигин көрсөттү.
Жапаров Кыргызстан кыргыз-тажик мамилелерин өнүктүрүү жана кызматташууну тереңдетүү өлкөнүн тышкы саясатынын приоритетине дал келерин белгилеген.
"Бул айтылгандар бүгүнкү күндө дагы актуалдуу. Анын үстүнө, тараптар каалабаган жаңжалды баштан кечиришти, ал эки тарапка тең кайгы менен зыян алып келди. Бул кырдаалды эки элдин бакубатчылыгы үчүн чечүүгө акылыбыз жетет деп ишенем", — деген президент.
Жапаров кыргыз-тажик мамлекеттик чек арасын делимитациялоо боюнча маселени тезинен макулдашып чечүү жана тийиштүү келишимге кол коюу кызматташуунун жаңы багыттарын ачарын белгилеген.
Ошондой эле мамлекет башчы эки өлкөнүн, өзгөчө чек ара райондорунун элдеринин ортосундагы ишенимди бекемдөөнүн, чек ара райондорундагы коопсуздукту жана туруктуулукту камсыз кылуу боюнча иштерди улантуунун, улуттар аралык кастыкты козутууга жана жергиликтүү калк арасында чыңалууну күчөтүүгө багытталган ар кандай деструктивдүү аракеттерге бөгөт коюунун маанилүүлүгүн белгилеген.
Ошондой эле мамлекет башчы эки өлкөнүн, өзгөчө чек ара райондорунун элдеринин ортосундагы ишенимди бекемдөөнүн, чек ара райондорундагы коопсуздукту жана туруктуулукту камсыз кылуу боюнча иштерди улантуунун, улуттар аралык кастыкты козутууга жана жергиликтүү калк арасында чыңалууну күчөтүүгө багытталган ар кандай деструктивдүү аракеттерге бөгөт коюунун маанилүүлүгүн белгилеген
Президент Садыр Жапаров эки өлкөнүн региондорунун ортосундагы кызматташтыкты арттыруу үчүн бир туугандык мамилелер жөнүндө макулдашууларды, ошондой эле Баткен облусу менен Согди облусунун ортосундагы кызматташтык планын иш жүзүндө жүзөгө ашыруу зарыл экенине көңүл бурган.
Тараптар чек ара маселелерин чечүү жана кыргыз-тажик мамлекеттик чек арасын аныктоо иштерин активдүү улантуу боюнча мындан аркы кадамдарды сүйлөшүшкөн.