БИШКЕК, 22-июн. — Sputnik. Баткендин Кадамжай районунда 16 жаштагы Мундуз Аллаяр кызы изделүүдө. Бул тууралуу Баткен ОИИБдин маалымат кызматы кабарлады.
Баткендин Кадамжай районунда дайынсыз жоголгон Мундуз Аллаяр кызы
© Фото / пресс-служба УВД Баткенской области
Ага ылайык, кыз 12-июнь күнү 09.00дөр чамасында Кадамжайдагы Ормош айылындагы үйүнөн Айдаркен шаарындагы борбордук базарга барып келем деп чыгып кеткен бойдон дайынсыз.
Бул факт каттоого алынып, издөө иштери жүрүп жатат.
Белгилери: бою 155-160 сантиметр, кашы-көзү кара, дене түзүлүшү орто.
Милиция жоголгон кызды көрүп-билгендерди (03655) 5-02-29 жана 0704 27-64-16 номерине чалып коюуну өтүндү.