БИШКЕК, 17-июн. — Sputnik. Кара-Суу районунда "Хизб ут-Тахрир" диний-экстремисттик уюмунун мүчөсү кармалды. Бул тууралуу Ош облустук ички иштер башкармалыгынын маалымат катчысы Жеңиш Аширбаев билдирди.
Кара-Суу районунда "Хизб ут-Тахрир" диний-экстремисттик уюмунун мүчөсү кармалды
© Фото / пресс-служба МВД КР
16-июнь күнү Кара-Суу РИИБдин экстремизмге каршы күрөшүү бөлүмүнүн кызматкерлери буга чейин козголгон кылмыш ишинин негизинде жүргүзүлгөн иш-чаралардын натыйжасында Кара-Суу районунун 23 жаштагы Г.А. аттуу тургунун кармаган.
Аталган жаран "Хизб ут-Тахрир" диний-экстремисттик уюмунун аудио-видео материалдарын жана атрибуттарын социалдык тармактардын бирине таратып жүргөндүгү аныкталган.
Шектүү Жазык кодексинин 98-беренесинин негизинде Кара-Суу РИИБдин убактылуу кармоочу жайына 48 саатка камакка алынды.
Кылмыш иштин алкагында шектүүнүн шериктерин аныктоо үчүн тергөө амалдары жүрүп жатат.