БИШКЕК, 12-июн. — Sputnik. Капустанын бардык түрү витаминге бай жана жүрөк-кан тамыр системасын калыбында кармап турууга чоң жардамчы. Бул тууралуу РИА Новостиге жарыяланган макалада айтылган.
Адистердин айтымында, капустанын бардык түрүндө С, А, К витаминдери, В тобуна кирген витаминдер, бета-каротин, калий, кальций, магний жана лютеин менен теанин аминокычкылдары бар.
"Капуста клетчаткага бай. Ал боор менен ичегиге миңдин бири. Аталган азык организмди ашыкча холестеринден арылтып, кан тамырды тазалап турат", — деп айтылат маалыматта.
Жашылча антиоксидант катары да организмге жакшы таасир берет. Магний, С витамини, антоциан жана флавоноиддер сезгенүү оорулары менен күрөшүүгө жакшы жардам берет. Жогоруда аталган төрт компонент кошулганда бир нече жүрөк-кан тамыр илдеттерин алдын алат.
Капустанын ичинен эң эле пайдалуусу брокколи.
"Ал сулуулук үчүн жооп берген хлорофилл менен токофероламга бай. Сульфорафан рактан коргосо, хром кандагы канттын деңгээлин көзөмөлдөп турат", — деп айтылат билдирмеде.
Түстүү капустада С витамини көп болсо, кадимки жеп жүргөн капуста организмде суу балансын сактоого жакшы жардам бере турганы белгиленди.