БИШКЕК, 9-июн. — Sputnik. Диетолог Светлана Фус эмне себептен адамдар кечинде же түндө ачка боло берерин түшүндүрдү. Адистин пикири РИА Новостиге жарыяланды.
Анын айтымында, ачка болуунун бир себеби — организмде суунун аздыгы. Мындан сырткары, күндүз тамакты аз жегендердин да түндө курсагы ачат.
"Эртең мененкиге жеңил тамак, түшкүгө салат жана бир нече чөйчөк кофе ичкендердин кечинде же түндө сөзсүз курсагы ачат", — деген Фус.
Мындан улам адис эртең менен, түштө жакшылап тамактанып, күндүз ара чолодо шам-шум кылганды унутпаш керектигин белгилеген.
"Айрымдарга шам-шумдун кереги жок, үч маал тамактануу эле жетиштүү болот. Башкысы — тамактануу графигин туура бөлүштүрүү кажет", — деген Фус.
Диетолог саат 17:00гө чейин күнүмдүк тамактануунун 80 пайызын колдонуу зарылдыгына токтолгон. Ал эми кечки тамакты жатканга чейин 2-3 саат эрте жеш керек.