БИШКЕК, 7-июн. — Sputnik. Экономика жана финансы министрлигине караштуу Мамлекеттик бажы кызматынын төрагалыгына Самат Исабеков дайындалды. Бул тууралуу аталган ведомствонун маалымат кызматынан кабарлашты.
Бүгүн, 2021-жылдын 7-июнунда, министрлер кабинетинин төрагасынын орун басары - экономика жана каржы министри Акылбек Жапаров бажы кызматынын өздүк курамына Исабековду тааныштырган.
Маалыматта Исабековдун 1996-жылдан бери бажы органдарында, ар кандай ыкчам кызматтарда иштегени, жетекчи болгону айтылган.