БИШКЕК, 27-май — Sputnik. Аалымдар кеңешинин төрагасы болуп Абдиманап кары Масалиев шайланды. Бул тууралуу муфтияттан кабарлашты.
Ага ылайык, бүгүн, 27-майда, Кыргызстан мусулмандарынын Аалымдар кеңешинин жыйынында буга чейинки төрага Абибилла Кадырбердиевдин кызматтан кетүү боюнча арызы каралып, канааттандырылган. Натыйжада көпчүлүк добуш менен ордуна Абдиманап Масалиев шайланды.
Абдиманап кары Масалиев
© Фото / пресс-служба ДУМК
Аалымдар кеңешинин жаңы төрагасы 1965-жылы Баткен шаарында туулган. Бишкектеги борбордук мечитинин башкы имамы, Уламалар кеңешинин мүчөсү, Бишкек шаарынын казысы болгон. 2007-жылдан бери борбордогу "Тунгуч" мечитинде имам хатиб болуп келген.
Муфтият ал эгемендүүлүктүн алгачкы жылдарынан тарта жаштарга куран окууну жана ислам таалимин үйрөтүүдө салымы чоң экенин белгиледи.
Үй-бүлөлүү, эки уул, эки кыздын атасы.
Үй-бүлөлүү, эки уул, эки кыздын атасы.