БИШКЕК, 24-май — Sputnik. Россиянын президенти Владимир Путин Кыргызстан менен Россиянын эриш-аркак жылы боюнча мерчемделген иш-чаралар эпидемиологиялык абал жакшырганда уланарын билдирди. Лидер 200дөн ашык программа коронавирус пандемиясынан улам өтпөй калганын эске салды.
"Кеп ар кыл багыттар — жаштардын өз ара пикир алмашуусу, ЖОЖдор ортосундагы байланыш жана башкалар туурасында болуп жатат. Бирок эпидемиологиялык абал жакшырганда иш-чаралар Россияда да, Кыргызстанда да уланат", — деген Путин Жапаров менен жолугуп жатып.
Кыргызстан менен Россиянын эриш-аркак жылы 2020-жылы жарыяланган эле.