БИШКЕК, 22-май — Sputnik. Министрлер кабинетинин төрагасы Улукбек Марипов менен Баткен облусуна барып, Кадамжай шаарынын эли менен жолугуп, көйгөйлүү бир нече маселелерди сүйлөшкөн. Бул тууралуу өкмөттүн маалымат кызматы кабарлады.
Анда Марипов алгач Кадамжай шаарында убактылуу иш алып барып жаткан калкты тейлөө борборунун иши менен таанышкан.
"Жолдор, каналдар, мектептер жана бала бакчалар курулуп жатат. Ошол эле учурда калктын башка муктаждыктарын да эстен чыгарбайбыз. Баткен облусунун Баткен шаарында гана жалгыз калкты тейлөө борбору иш алып барчу. Аймактын тургундары үчүн тейлөө борборунун иши маанилүү экендигин эске алуу менен Кадамжай, Исфана жана Кызыл-Кыя шаарларында аталган борборлорду ачуу чечими кабыл алынды. Бүгүнтөн баштап Кадамжай районунун тургундарына өз аймагында тейлөө көрсөтүлөт", — деген ал.
Марипов жакында Баткен облусуна өзгөчө статус берүү жөнүндө мыйзам долбоору киргизилерин айтып, ал чектеш айылдардын ыкчам темпте өнүгүүсүнө жардам берет деген убадасын берген.
Министрлер кабинетинин төрагасы Кадамжай шаарындагы Нургазиев атындагы каналга барып, жээгиндеги бетон тосмолордун курулуш долбоору менен таанышкан.
Марипов дыйкандарга сугат суу жеткиликтүү болуш үчүн ишти тез арада баштоо зарылдыгын айткан.